«Ռոման» միացել է «Լայպցիգի» կիսապաշտպանի համար պայքարին

Գերմանական «Լայպցիգի» ու Ավստրիայի հավաքականի կիսապաշտպան Մարսել Զաբիտցերը հայտնվել է եվրոպական 3 թոփ-ակումբների ուշադրության կենտրոնում:

Bild-ի համաձայն՝ 27-ամյա ֆուտբոլիստին ցանկանում են ձեռք բերել իտալական «Ռոման», «Միլանը» և Լոնդոնի «Արսենալը»: Նրա տրանսֆերային գինը գնահատվում է 42 միլիոն եվրո:

Ավարտված մրցաշրջանում Զաբիտցերը «Լայպցիգի» կազմում անցկացրել է 39 հանդիպում, դարձել 9 գոլի ու 4 գոլային փոխանցման հեղինակ: Եվրո-2020-ում նա մասնակցեց 4 խաղի ու կատարեց մեկ գոլային փոխանցում: