Կորոնավիրուսային ծաղրանք ֆուտբոլի Եվրոպայի առաջնությունում

Լրատվամիջոցները տեղեկացնում են, որ ֆուտբոլի Խորվաթիայի հավաքականի առաջատարներից մեկը՝ Իվան Պերիշիչը վարակվել է կորոնավիրուսով։ 32-ամյա կիսապաշտպանը մեկուսացվել է հավաքականի մյուս անդամներից եւ 10 օր չի կարողանա մասնակցել ընդհանուր խմբի մարզումներին եւ հանդիպումների, հաղորդում է Խորվաթիայի հավաքականի մամուլի ծառայությունը։

Եվրո-2020-ի 1/8 եզրափակիչում Խորվաթիայի հավաքականը հունիսի 28-ին Դանիայի մայրաքաղաք Կոպենհագենում կմրցի իսպանացիների հետ։

Այս տեղեկությունը մի շարք հարցեր է առաջացնում. եթե Պերիչիշը հիվանդ է, ապա պետք է ոչ միայն նրան մեկուսացնել, այլ ամբողջ խորվաթիայի հավաքականին, քանի որ տեսականորեն, եթե մյուս ֆուտբոլիստների թեստերի պատասխաններն այսօր բացասական են, ապա դա չի նշանակում, որ նրանք վիրուսակիր չեն: 

Ավելին, նույն տրամաբանությամբ պետք է մեկուսացնել նաեւ Խորվաթիայի հավաքականի խմբային փուլի մրցակիցներին:

Այս ամենը չի արվում ու անհասկանալի է, թե ինչու հանկարծ վարակվեց Խորվաթիայի հավաքականի ամենաարդյունավետ ֆուտբոլիստներից մեկը:

Սրանք հարցեր են, որոնք առաջանում են, բայց որոնց երբեք չեն պատասխանելու:

Top-News.am