Յոահիմ Լյովը՝ 7:1 հաշվով հաղթանակի մասին. Սա կարևոր փորձություն էր մեզ համար

Գերմանիայի հավաքականի գլխավոր մարզիչ Յոահիմ Լյովը մեկնաբանել է Դյուսելդորֆում տեղի ունեցած ընկերական խաղում Լատվիայի թիմի նկատմամբ վստահ հաղթանակը 7:1 հաշվով:

«Հանդիպման մեծ ժամանակահատվածում ես գոհ էի թիմի ելույթից: Ունեցանք մի շարք լավ պահեր՝ ռիթմ, լավ արագացումներ ու հրաշալի իրավիճակներ պրեսինգի հարցում: Բացի այդ, մենք շատ վճռական էինք գոլային պահերն իրացնելիս: Նախկինում դա բարդացնում էր մեր կյանքը:

Սա կարևոր փորձություն էր մեզ համար: Դեռ չգիտեմ, թե ով է մեկնարկային կազմում դաշտ դուրս գալու Ֆրանսիայի հավաքականի դեմ խաղում, սակայն մենք կտեսնենք այս խաղին մասնակցած խաղացողներից շատերին»,- գերմանացի մարզիչի խոսքը մեջբերում է RTL-ը:

Հիշեցնենք, որ գերմանացիները պատրաստվում են Եվրո-2020-ի խմբային փուլին, որտեղ F խմբում կմրցեն աշխարհի գործող չեմպիոն Ֆրանսիայի, Եվրոպայի չեմպիոն Պորտուգալիայի և Հունգարիայի հավաքականների հետ։