ՀՀ քաղաքացիները գտնվում են վարկային գերության, ստրկության մեջ. Արման Աբովյան (տեսանյութ)
Իրավիճակը մնում է ծանրագույն, ՀՀ քաղաքացիները գտնվում են վարկային, տոկոսային գերության մեջ, եթե կցանկանաք՝ ստրկության մեջ: Այս մասին այսօր «Բարգավաճ Հայաստան» խմբակցությունը հրավիրած «Վարկերի և ժամկետանց այլ պարտավորությունների նկատմամբ տույժերի, տուգանքների և վարկային տոկոսադրույքների կիրառման, դրանց համաներման և այլ վարկային հիմնախնդիրները ՀՀ բանկային համակարգում» թեմայով խորհրդարանական լսումների ժամանակ ասաց «Բարգավաճ Հայաստան» խմբակցության քարտուղար Արման Աբովյանը:
«Սա լոկ բառեր չեն, իրականում համոզված եմ, որ բոլոր 132 պատգամավորները, Կառավարության անդամները, Կենտրոնական բանկի անդամները օրական ստանում են, մեղմ ասած, բազմաթիվ նամակներ, որտեղ ասված է՝ կորցնում եմ տուն, ապրուստի միջոց, հող»,-ասաց նա:
Նա մեջբերեց «Բարգավաճ Հայաստան» կուսակցության առաջնորդ Գագիկ Ծառուկյանի խոսքերը, որ եթե չլինեն կարդինալ որոշումներ, եթե այս ոլորտում չլինի համաներում, ապա վիճակն ավելի շատ կծանրանա:
«Հասարակ քաղաքացուն բնավ հետաքրքիր չեն նյուանսները, բառերը, նա մտածում է, որ մեկ տարի առաջ հնարավորություն ուներ վարկ վերցնելու, տոկոս փակելու, իսկ այսօր չունի»,- ասաց նա և նշեց, որ նույնը գյուղատնտեսական վարկերին է վերաբերում:
Արման Աբովյանը նշեց, որ պետությունը պետք է ձեռք մեկնի քաղաքացիներին, և իրենց հնչած առաջարկները հաշվի են առնվելու, մշակվելու են օրենսդրական նախաձեռնություններ:
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար