Կտրուկ փոփոխություններն ինձ համար անընդունելի են. Երվանդ Խունդկարյանը՝ Գերագույն դատարան ստեղծելու մասին (տեսանյութ)
ԱԺ-ում Սահմանադրական դատարանի դատավորի թեկնածուի ընտրության հարցի քննարկման ժամանակ ԱԺ «Իմ քայը» խմբակցության պատգամավոր Տաթևիկ Հայրապետյանը թեկնածու Երվանդ խունդկարյանից հետաքրքրվեց, թե ինչպե՞ս է վերջինս վերաբերվում Գերագույն դատարան ստեղծելու մտքին:
Երվանդ Խունդրակյանը նշեց, որ մենք տարիներ ի վեր ընտրել ենք ուղղություն, քայլել ենք որոշակի ուղղությամբ և ներկայումս Սահմանադրական դատարանի և Վճռաբեկ դատարանի գործառույթներն էականորեն իրարից տարբերվում են:
«Սահմանդրական դատարանը ստեղծվելով 1996-ից՝ մեծ ջանքեր և մեծ աշխատանք է տարել Սահմանադրական արդարադատության ներդրման և կայացման համար, իսկ Վճռաբեկ դատարանը 1998 թվականի ստեղծումից ի վեր բավականին մեծ աշխատանք է արել հասարակության մեջ դատական նախադեպի մշակույթը ձևավորելու և զարգացնելու տեսանկյունից: Դատական իշխանություն կրողներս, մենք՝ դատավորներս, շատ ավելի պահպանողական բնավորություն ունենք և, իմ կարծիքով, դատական իշխանության հետ կապված ցանկացած գործողություն ավելի շատ պահպանողական մտածելակերպից պետք է բխի և կտրուկ փոփոխություններն ինձ համար անընդունելի են»,- ասաց նա:
Երվանդ Խունդկարյանն ընդգծեց՝ իր համար շատ ավելի արժեքավոր է ֆիքսել կոնկրետ իրավիճակը, հասկանալ, թե որոնք են այն խնդիրները և վերացնել դրանք, քան գնալ ավելի մեծ անորոշության և նոր հասկանալ, թե ինչքան նոր խնդիրներ կարող ենք ստեղծել մարդու իրավունքների պաշտպանության բնագավառում:
«Ինչևէ, կլինի Իքս կամ Իգրեկ մոդելը, դա իմ որոշելիքը չէ, ես ընդամենը կարող եմ իմ կարծիքը հայտնել, բայց ցանկացած փոփոխություն պետք է խիստ կշռադատված լինի և ցանկացած փոփոխության կենտրոնում պետք է լինի թիվ մեկ հիմնախնդիրը՝ մարդու իրավունքների պաշտպանության իրագործումը»,- շեշտեց նա:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Սամվել Կարապետյանին կալանավորելու միջնորդություն է ներկայացվել
Էլեկտրաէներգիայի ընդհատումներ կլինեն Երևանում և մարզերում․ հասցեներ
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Սիթի ՍՊ ընկերության մի քանի աղցանի արտադրությունը կասեցվել է
Քննարկվել են Երևանի և Սյունիքի մաքսային և լոգիստիկ կենտրոնների կառուցման ծրագրերը