«Խուլերի միավորման» հկ-ի դիմաց գիշերը ծեծկռտուք է տեղի ունեցել. վնասվածքներ են ստացել խուլ ու համր անձինք
«Խուլերի միավորում» հկ շենքի դիմաց երեկ՝ օգոստոսի 27-ին, ժամը 21։00-ի սահմաններում խուլիգանության դեպք է տեղի ունեցել. ծեծի են ենթարկվել խուլ ու համր անձինք։ Այս մասին այսօր՝ օգոստոսի 27-ին, NEWS.am-ի հետ զրույցում ասաց փաստաբան Տիգրան Ղազարյանը։
Նա նշեց, որ դեպքի առթիվ հարուցվել է քրեական գործ՝ ՀՀ ՔՕ 258-րդ հոդվածի 4-րդ մասով (խուլիգանություն, որը կատարվել է զենքի կամ որպես զենք օգտագործվող առարկաների գործադրմամբ)։
Ղազարյանի խոսքով՝ խուլիգանության արդյունքում վնասվածքներ ստացած անձինք կան, ինչը ֆիքսվել է նաեւ տեսախցիկներով. «Դեպքի վայրում եղել է երեխա, որը տեսանյութում երեւում է։ Տեսանյութից երեւում է, որ մի քանի անձանց ձեռքին կան փայտի կտորներ, որոնցով հարվածներ են հասցրել»։
Հարցին՝ արդյոք կա՞ տեղեկություն, թե ինչն է ծեծկռտուքի առիթ հանդիսացել, փաստաբանը դժվարացավ այդ հարցին պատասխանել, նշելով, որ քննություն է ընթանում. ««Խուլերի միավորման» շուրջ վերջին 2-3 տարվա ընթացքում բազմաթիվ դատական պրոցեսներ կան, գուցե նաեւ դրանով է պայմանավորված»։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Սամվել Կարապետյանին կալանավորելու միջնորդություն է ներկայացվել
Էլեկտրաէներգիայի ընդհատումներ կլինեն Երևանում և մարզերում․ հասցեներ
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Սիթի ՍՊ ընկերության մի քանի աղցանի արտադրությունը կասեցվել է
Քննարկվել են Երևանի և Սյունիքի մաքսային և լոգիստիկ կենտրոնների կառուցման ծրագրերը