Սահմանապահ բնակավայրերի՝ հակառակորդի գործողություններից տուժած բնակիչներին աջակցություն կտրվի
Կառավարությունն իր այսօրվա՝ օգոստոսի 27-ի նիստում հավանություն տվեց ԱԺ «Իմ քայլը» խմբակցության պտգամավորներ Սիսակ Գաբրիելյանի եւ Սիփան Փաշինյանի օրենսդրական նախաձեռնությանը, որով փոփոխություններ են նախատեսվում «Սահմանամերձ համայնքների սոցիալական աջակցության մասին» օրենքում:
Հարցը ներկայացրեց տարածքային կառավարման եւ ենթակառուցվածքների փոխնախարար Վաչե Տերտերյանը՝ նշելով, որ նախագծով փոխհատուցման մեխանիզմներ են առաջարկվել սահմանամերձ բնակավայրերի դպրոցներին տրամադրվող դասագրքերի մասով. «Երկրորդ բլոկը վերաբերվում է գնդակոծությունների հետեւանքով ոչնչացված գույքի, այդ թվում կենդանիների, փոխհատուցմանը: Երրորդ բլոկը վերաբերվում է միանվագ դրամական փոխհատուցումներին այն անձանց, որոնք ձեռք են բերում առաջին, երկրորդ կամ երրորդ կարգի հաշմանդամություն՝ համապատասխանաբար 3 մլն դրամ, 2 մլն դրամ եւ 1 մլն դրամի չափով: Իսկ զոհված անձանց ընտանիքի անդամներին 5 մլն դրամի չափով դրամական փոխհատուցում է նախատեսվում»,-ասաց նա:
Վարչապետ Նիկոլ Փաշինյանն էլ հավելեց, որ փաստորեն այս նախագծով առաջարկվում է սահմանապահ գյուղերի մարտական գործողությունների կամ հարձակման պարագայում տուժած բնակիչներին միանվագ դրամական աջակցություն ցուցաբերել:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Չորս հայ գերրիներ են վերադարձել Հայաստան
94 տարեկանում մահացել է սպարապետ Վազգեն Սարգսյանի հայրը
Ով ինչպես է սիրում Հայաստանը
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
ՀՅԴ-ն որոշում ունի․ որ ուժի հետ դաշինք կկազմի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...
«Գոլդեն Ֆլորենս»-ի արտադրական գործունեությունը կասեցվել է