Նախարար Արայիկ Հարությունյանի հրաժարականի հարցը չեն քննարկել. Լիլիթ Մակունց
Օրակարգ նախապես պլանավորված չկար. անդրադարձել ենք թե արտաքին քաղաքական հարցերի, թե ՀՀ-ում բարեփոխումների օրակարգերին, եւ այդ առումով եղել է բավականին արժեքային քննարկում: Այս մասին, այսօր՝ օգոստոսի 24-ին, «Իմ քայլը» խմբակցության հետ վարչապետ Նիկոլ Փաշինյանի հանդիպումից հետո լրագրողների հետ զրույցում նշեց «Իմ քայլը» խմբակցության ղեկավար Լիլիթ Մակունցը:
Նա տեղեկացրեց, որ հանդիպմանը մասնակցել է «Իմ քայլը» խմբակցությունը գրեթե 90 տոկոսով, վարչապետ Նիկոլ Փաշինյանը եւ «Քաղաքացիական պյմանագիր» կուսակցության վարչության մեկ անդամ:
Մակունցն ընդգծեց, որ քննարկվել են մասնավորապես, դատաիրավական բարեփոխումներին վերաբերող հարցեր, կրթության ոլորտի բարեփոխումների հարցը, Սահմանադրական փոփոխությունների հանձնաժողովի աշխատանքը. «Այդ թեմաներով ընդհանուր արժեքային մոտեցումներ են քննարկվել»:
Հարցին, թե արդյոք քննարկվել է Ադրբեջանի կողմում հայ զինվորականի հայտնվելու փաստը, եւ Բաքուն մեղադրում է հայկական կողմին դիվերսիոն փորձի մեջ, Մակունցը պատասխանեց. «Նիստը վարչապետի հետ փակ է եղել, հետեւաբար մանրամասներին չեմ կարող անդրադառնալ»:
«ԻՄ քայլի» ղեկավարը տեղեկացրեց, որ ԿԳՄՍ նախարար Արայիկ Հարությունյանի հրաժարականի հարցը չեն քննարկել: Հարցին, թե գո՞հ եք իր աշխատանքից, նա պատասխանեց. «Մենք չենք քննարկել անձերի, թեկնածուների, քննարկել ենք ընդհանուր մոտեցումներ, որպես պետական այրեր ինչպես ենք պատկերացնում, ինչպես ենք պլանավորում այս կամ այն ուղղությունով այս կամ այն ոլորտի զարգացումը»:
Նշենք, որ հանդիպումից հետո վարչապետ Նիկոլ Փաշինյանը հրաժարվեց պատասխանել լրագրողների հարցերին՝ ասելով. «Հաճույքով, բայց ուշանում եմ»:
ՀՀ ԱԺ արտահերթ նստաշրջան - 02.07.2026
Վենեսուելայի երկինքը կարմրել է երկրաշարժից հետո (տեսանյութ)
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
Թուրքիան բարձրացրել է Բոսֆորով և Դարդանելով տարանցման արժեքը
Ռուսաստանը զանգվածային հարվածներ է հասցրել Կիևին․ բազմաթիվ զոհեր, վիրավորներ և անհետ կորածներ կան
Հարավային Աֆրիկայում բողոքի ցույցեր են միգրանտների դեմ
Փողաբաժանությունը ինքնաբուխ չի․ դա համակարգված, վերևից ներքև իջնող մեխանիզմ է
Կասեցվել է «Օքսիջեն»-ի հացի թխման արտադրամասի գործունեությունը
ՆԳՆ քրեական ոստիկանները վնասազերծել են խոշոր չափերի համակարգչային հափշտակություններ իրականացնող խմբի