Մեկնարկել է Ամուլսարի պահապանների ավտոերթը դեպի Երևան (տեսանյութ)

Մեկնարկել է ջերմուկցիների և հարակից համայքների բնակչների ավտոերթը դեպի Երևան, որը տեղի է ունենում՝ ի պաշտպանություն Ամուլսարի:

Ըստ ակցիայի նախաձեռնողների՝ ժողովրդավարական երկրներում այսքանը բավարար է, որպեսզի ժողովրդավար կառավարությունը հասկանա, որ սկիզբ են դնում խաղաղ անհնազանդությունների մի մեծ շղթայի և նրանց խոսքով՝ժամանակն է, որ կառավարությունը ցուցաբերի քաղաքական կամք և վերջակետ դնի Ամուլսարի հոշոտման ծրագրին։

Նրանք պահանջում են, որպեսզի վարչապետ Նիկոլ Փաշինյանը կատարի բոլոր տված խոստումները՝ հոգուտ Ամուլսարի:

«Այլևս ծիծաղելի է, որ հեղափոխություն ապրած երկրի կենտրոնում մարդիկ իրենց ոտնահարված իրավունքների, շրջակա միջավայրի և տնտեսական անկախության պահպանման համար, ստիպված են օր ու գիշեր լինել դրսում և ֆիզիկապես պատնեշ հանդիսանալ այդ սպառնալիքին»,- ասված է ավտոերթ իրականացնողների ուղերձում:

Նշենք, որ Երևանում ավտորթին կմիանան նաև Ամուլսարի հանքի շահագործմանը դեմ արտահայտվող քաղաքացիները և միասին կիրականացնեն քայլերթ։

Մանրամասները՝ տեսանյութում