Քիմ Քարդաշյանն իր միլիոնավոր հետեւորդներին կոչ է անում աջակցել Հայաստանում փոքր բիզնեսին

Իրապատում-շոուի աստղ եւ հաջողակ գործարար Քիմ Քարդաշյանը սոցիալական ցանցերի իր միլիոնավոր հետեւորդներին կոչ է արել աջակցել փոքր բիզնեսը Հայաստանում՝ նվիրատվություն անելով Հայաստանի աջակցության հիմնադրամին։

«Դիտարկեք Հայաստանի աջակցության հիմնադրամին նվիրատվություն անելու հնարավորությունը՝ օգնություն ցուցաբերելու համար փոքր բիզնեսին COVID-19-ի դեմ պայքարում»,- գրել է Քարդաշյանը։ Հեռուստաաստղը նաեւ մի քանի ընկերության անուն է հրապարակել, որոնք հատկապես աջակցության կարիք ունեն։ Նրանց շարքում են հայկական թեմատիկայով շարֆեր արտադրող «Արտույտ» ընկերությունը, «Ռետրո» կաֆեն եւ այլն։

Հայաստանի աջակցության հիմնադրամը «Փարոս» հիմնադրամի հետ նախաձեռնություն է սկսել Հայաստանում փոքր բիզնեսին աջակցության համար, որը տուժել է COVID-19-ի համավարակի տնտեսական հետեւանքներից։

«Փարոս» հիմնադրամը 2006թ.-ից զբաղվում է հումանիտար, կրթական, մշակույթային նախագծերի եւ զարգացման ոլորտում ծրագրերի իրականացմամբ։ Գրեթե 15 տարվա աշխատանքի ընթացքում «Փարոս»-ն ավելի քան 200 հաջող նախագիծ է անցկացրել Հայաստանում ու հավաքել ավելի քան 7 մլն դոլար։

Consider donating to Armenia Support Fund help provide COVID-19 aid to struggling small businesses in Armenia. #SupportArmenia https://t.co/znjJnw2PWN pic.twitter.com/KOlqRTGwOy

— Kim Kardashian West (@KimKardashian) July 6, 2020

Այս թեմայով «Ես միշտ ճանապարհներ եմ փնտրում Հայաստանին աջակցելու համար»․ Քիմ Քարդաշյան (տեսանյութ) «Ես միշտ ճանապարհներ եմ փնտրում Հայաստանին աջակցելու համար»․ Քիմ Քարդաշյան (տեսանյութ) «ԱՄՆ-ի անեծքը». Քիմ Քարդաշյանը մերկ նկարահանվել է դրոշի ֆոնին Fendi-ն հավաքածու է պատրաստում Քիմ Քարդաշյանի հետ «Ես չեմ խնդրել հայուհի լինել։ Իմ բախտը պարզապես բերել է». Քիմ Քարդաշյան