Կյանքի, առողջության պահպանման իրավունքն առաջնային, գերակա է
Կյանքի, առողջության պահպանման իրավունքն ամեն դեպքում առաջնային է, գերակա է: Այս մասին ՀՀ երրորդ նախագահ Սերժ Սարգսյանի և մյուների գործով դատական նիստից հետո լրագրողների հետ զրույցում ասաց Սարգսյանի պաշտպան Ամրամ Մակինյանը՝ անդրադառնալով դիտարկմանը, թե դատարանն ասաց, որ հաջորդ դատական նիստերից սկսած, համավարակով պայմանավորված, ամբաստանյալների չներկայանալը հարգելի չի դիտարկի:
Մակինյանը նշեց, որ համամիտ չէ դատարանի այդ գնահատականների հետ. «Համավարակի դեմ պայքարում ձեռնարկված միջոցառումները որևէ արդյունք այս պահի դրությամբ չեն տվել, ու այն հորդորները, որ արվում են, փոփոխվում են: Այսօրվա դրությամբ դեռևս պարզ չէ, թե այս համավարակը ինչի հետևանքով չի կասեցվում, ընդհակառակը՝ ավելանում է»:
Փաստաբանի դիտարկմամբ՝ մարդկանց կյանքը և առողջությունը ռիսկի տակ դնելն առնվազն ընդունելի չէ: «Այսօր պաշտոնապես հայտարարվում է, որ առողջապահական համակարգում վերակենդանացման բաժանմունքներն ամբողջ ծավալով ծանրաբեռնված են: Եթե որևէ մեկը վարակվի և առաջնային բուժօգնության կարիք ունենա, կարող է մեծ ռիսկ առաջանալ: Հետո նաև արձանագրվեց, որ սպասենք՝ օրը 10 հոգի մահանալու են. հռետորական հարց՝ ո՞վ է ուզում այդ վիճակագրությունը լրացնել: Սա աբսուրդ է, ֆորմաժորաին իրավիճակ է, որին պետք է շատ լուրջ վերաբերվել»,-ասաց Մակինյանը:
Դիտարկմանը, թե դատարանը հայտարարել է, որ հնարավոր է սոցիալական հեռավորություն պահել և բացի այդ հայտնի չէ՝ որքան կտևի այս վիճակը, Մակինյանն արձագանքեց. «Ես երկու շահի մասին խոսեցի՝ արդարադատության շահ, որի մեջ մտնում են նաև գործի ողջամիտ քննության ժամկետները, և մարդու առողջության պահպանման և կյանքի իրավունք: Երկրորդը բոլոր շահերից բարձր է, բոլոր իրավունքները կյանքի իրավունքից հետո են ծնվում»,-ասաց նա, ապա հավելեց, թե կսպասեն մինչ հաջորդ դատական նիստը՝ օգոստոսի 6-ը:
«Միգուցե էպիդեմիկ իրավիճակն այնպիսին է լինում, որ որևէ խոչընդոտ չի առաջանա, որովհետև առաջին շահագրգիռը մենք ենք, որ հանրությունն էլ տեսնի, թե ինչ քերական գործ է քննվում»,-ասաց Մակինյանը՝ նշելով, թե մեղադրանքն անհիմն է:
Հիշեցնենք, որ Սերժ Սարգսյանը մեղադրվում է պետական բյուջեից կես մլրդ դրամի հափշտակությունը կազմակերպելու մեջ:
ՀՀ ԱԺ արտահերթ նստաշրջան - 02.07.2026
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Վենեսուելայի երկինքը կարմրել է երկրաշարժից հետո (տեսանյութ)
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
ԱՄՆ-ն Մերձավոր Արևելք է տեղափոխել F-16C կործանիչներ
Ֆրանսիայում հրշեջները պայքարում են անտառային հրդեհների դեմ
ՆԳՆ քրեական ոստիկանները վնասազերծել են խոշոր չափերի համակարգչային հափշտակություններ իրականացնող խմբի
Կասեցվել է «Օքսիջեն»-ի հացի թխման արտադրամասի գործունեությունը
Ես քաղաքականությունից չեմ հեռանալու, քաղաքականության էջը չեմ փակում. Ալեն Սիմոնյան
Ռուսաստանը զանգվածային հարվածներ է հասցրել Կիևին․ բազմաթիվ զոհեր, վիրավորներ և անհետ կորածներ կան