Մայքլ Ջեքսոնի դուստրը պատմել է իր կողմնորոշման մասին, որի վրա ազդել է հայտնի հայրը

Փոփ երաժշտության արքա Մայքլ Ջեքսոնի դուստրն իր սեռական կողմնորոշումը նկարագրել է իր կյանքի մասին նոր վավերագրական սերիալում՝ «Unfiltered»։ 22-ամյա Փերիսը, որին լուրջ հարաբերություններ են կապում տղայի հետ, խոստովանել է, որ իրեն լեսբի է համարում, քանի որ առավել հաճախ հանդիպել է աղջիկների հետ։

Փերիսը Գաբրիելի հետ հանդիում է վերջին երկու տարիների ընթացքում։ Նրա խոսքով՝ նախքան տղայի հետ սիրավեպը ինքը չէր համարձակվում իրեն երաժիշտ համարել, իսկ հիմա իրենք միասին՝ «The Soundflowers» ֆոլկ խմբի կազմում, ձայնագրել են իր դեբյուտային երգը։

 «Երբեք չէի մտածում, որ տղայի հետ կլինեմ։ Կարծում էի, թե կամուսնանամ աղջկա հետ։ Ես կանանց հետ ավելի հաճախ են հանդիպել, քան տղամարդկանց։ Մարդիկ գիտեն տղաների հետ իմ երեք սիրավեպի մասին, սակայն չգիտեն իմ հարաբերությունների մեծ մասի մասին։ Ես ինձ նատուրալ չեմ համարում, բայց չէի ասի, թե բիսեքսուալ եմ, քանի որ հանդիպել եմ ոչ միայն տղամարդկանց ու աղջիկների հետ։ Ես եղել եմ կանացի սեռական օրգաններ ունեցող տղամարդու հետ։ Կարեւոր չէ՝ ինչ օրգաններ ունի նա, կարեւոր է, թե ինչպիսի մարդ է»,- նշել է նա։

 Փերիսն իր կողմնորոշման վերաբերյալ առաջին անգամ կասկածներ ունեցել է դեռահասության տարիքում. նրա զգացմունքները նման չէի հետերոսեքսուալ զույգերի զգացմունքներին, որոնց ցույց էին տալիս հեռուստատեսությամբ։ Նրա խոսքով՝ հայրն արագ հասկացել է դա եւ իրեն, ինչպես եւ իր եղբայրներին կատակելով խորհուրդ է տվել աղջկա գտնել, երբ ութամյա Փերիսը չափազանց երկար է նայել ամսագրում գեղեցիկ աղջկա լուսանկարին։