Ինդոնեզական քաղաքի քաղաքապետը ծնկաչոք ներողություն է խնդրել բժիշկներից` քաղաքում կորոնավիրուսի բռնկման համար
Ինդոնեզիայի երկրորդ ամենախոշոր քաղաքը հանդիսացող Սուրաբայայի քաղաքապետ Թրի Ռիսմահարինին կորոնավիրուսի դեմ պայքարող բժիշկների առաջ ծնկաչոք լաց է եղել և ներողություն է խնդրել նրանցից քաղաքում կորոնավիրուսի բռնկման համար: Այս մասին տեղեկացնում է thejakartapost.com կայքը:
Բուժաշխատողների հետ հանդիպման ժամանակ բժիշկներից մեկը քաղաքապետին ասել է, որ հիվանդանոցները լցված են կորոնավիրուսով վարակված մարդկանցով: Նրա խոսքով` իրավիճակը վատանում է, իսկ քաղաքացիները գրեթե չեն հետևում անվտանգության կանոններին:
Լսելով բժշկի խոսքերը` 59-ամյա քաղաքապետը ծնկի է իջել: «Խնդրում եմ, մի մեղադրեք մեզ»,-լացակումած ասել է նա:
Քաղաքապետը խնդրել է չմեղադրել նաև քաղաքային իշխանություններին` ընդգծելով, որ իրենք շատ մեծ դժվարությունների են բախվում, սակայն չի հստակեցրել, թե ինչ դժվարությունների մասին է խոսքը:
Աղբյուրի տեղեկությունների համաձայն՝ Սուրաբայան դարձել է Ինդոնեզիայում կորոնավիրուսի տարածման էպիկենտրոնը, հունիսի 29-ի դրությամբ այստեղ գրանցվել է վարակման շուրջ 11 500 դեպք, մայրաքաղաք Ջակարտայում դեպքերի թիվը քիչ է շուրջ 400-ով:
Համաճարակի սկզբից Ինդոնեզիայում գրանցվել է կորոնավիրուսով վարակման 56 385 դեպք, վարակման հետևանքով մահացել է 2876 մարդ:
ՀՀ ԱԺ արտահերթ նստաշրջան - 02.07.2026
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Վենեսուելայի երկինքը կարմրել է երկրաշարժից հետո (տեսանյութ)
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
ԱՄՆ-ն Մերձավոր Արևելք է տեղափոխել F-16C կործանիչներ
Ես քաղաքականությունից չեմ հեռանալու, քաղաքականության էջը չեմ փակում. Ալեն Սիմոնյան
Ֆրանսիայում հրշեջները պայքարում են անտառային հրդեհների դեմ
ՆԳՆ քրեական ոստիկանները վնասազերծել են խոշոր չափերի համակարգչային հափշտակություններ իրականացնող խմբի
Կասեցվել է «Օքսիջեն»-ի հացի թխման արտադրամասի գործունեությունը
Ռուսաստանը զանգվածային հարվածներ է հասցրել Կիևին․ բազմաթիվ զոհեր, վիրավորներ և անհետ կորածներ կան