Եթե արտահայտվել է վիրավորանք, կարեւոր չէ, թե ում է ուղղված եւ ում կողմից է գալիս. Արման Թաթոյան (տեսանյութ)
Ճիշտ չէ, որ Մարդու իրավունքների պաշտպամը մեկնաբանի վարչապետի ելույթը այն առումով, որ դա նաեւ քաղաքական բնույթի ելույթ է: Այս մասին այսօր՝ մայիսի 11-ին, ԱԺ-ում լրագրողների հետ զրույցում նշեց ՄԻ պաշտպան Արման Թաթոյանը՝ անդրադառնալով ԱԺ-ում ծեծկռտուքին եւ դրանից հետո վարչապետ Նիկոլ Փաշինյանի երլութին, որտեղ նա տեղի ունեցածը որակել էր «քստմնելի սադրանք» ընդդիմության կողմից:
«Ես մնում եմ իմ դիրքորոշմանը, որ կանոններ կան, որոնք չափազանց կարեւոր են եւ հիմնված են միջազգային սկզբունքների վրա: Ես հատուկ գրել էի, որ այդ կանոնները վերաբերում են բոլորին, բայց հատկապես կարեւոր են վստահության բարձր մանդատ ստացած քաղաքական մեծամասնության եւ դրա յուրաքանչյուր ներկայացուցչի համար»,-ասաց Թաթոյանը:
Նա նկատեց, որ ԱԺ-ում մարդկանց խոսքը, վարքագիծը օրինակ են հասարակության համար. «Կապ չունի քաղաքական, թե այլ խոսքում, չպետք է օգտագործել այնպիսի արտահայտություններ, որոնք վիրավորում են դիմացինին: Վիրավորանքը ծնում է երկրոդ վիրավորանքը:Մեկը վիրավորում է, մյուսը պատասխանում է, էն մյուսն ավելի շատ է պատասխանում: Լարվածությունը աճում է եւ կարող են լինել դեպքեր, որ դա բռնության վերածվի: Օրինակ, հիշում եք, որ կորոնավիրուսի համաճարակի բռնկման սկզբում մի օգտատեր ծաղրող տեսանյութ էր պատրաստել կնոջ վերաբերյալ Հետագայում այդ կնոջ բարեկամները, ըստ մամուլի տեղեկությունների հաշվեհարդար էին տեսել, պայմանավորվել էին, հանդիպել, որ բռնություն գործադրեն: Երկու երեւույթն էլ անթույլատրելի է: Մի կողմից անթույլատրելի է մարդուն վիրավորելը, ծաղրելը, մյուս կողմից անթույլատրելի է այդպիսի հաշվեհարդարներ տեսնելը»:
Դիտարկմանը, որ վարչապետը հայտարարել է, որ իրենց թիմը 2 տարի շարունակ բարոյական ու հոգեբանական բռնությունների է ենթարկվում, իշխող ուժի կանանց սոցցանցերում սպառնում են բռնաբարել, Թաթոյանն ասաց. «Մթնոլորտի թուլացման հետ կապված ես մշտապես աշխատանքներ տանում եմ: Ինձ համար կապ չունի իշխանության ներկայացուցիչ է, թե հասարակ քաղաքացի, եթե կա բռնության սպառնալիք, եթե կա ատելություն, վիրավորանք, բռնություն, ինձ համար դա դատապարտելի է: Եթե կոնկրետ իրավիճակներ կան, մենք պատրաստ ենք ուսումնասիրել: Այն, որ ատելությունը, սպառնալիքը, վիրավորանքը տարածքում ունի, փաստ է: Տպավորություն է, որ սոցցնցերում մարդիկ բաժանվել են խմբերի ու մրցում են, թե ով ում ավելի շատ կհայհոյի: Ագրեսիան հատկապես տարածվում է կեղծ օգտատերերից ու խմբերից»,-ընդգծեց ՄԻ պաշտպանը:
Ինչ վերաբերում է պնդումներին, որ այս մթնոլորտի ծնողը վարչապետն է, որը հայտարարում է պատերին ծեփելու, ասֆալտին փռելու մասին, Արման Թաթոյանն արձագանքեց. «Որքան բարձր է կարգավիճակը, այնքան մեծանում է պատասխանատվությունը, մեծանում է բեռը: Եթե արտահայտվել է վիրավորանք, կարեւոր չէ, թե ում է ուղղված եւ ում կողմից է գալիս»:
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Մոսկվայի բոլոր օդանավակայանները կրկին դադարեցրել են աշխատանքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար