Ստեպանենկոն բացահայտել է Պետրոսյանի հետ ամուսնալուծության մանրամասները

Հաղորդավարուհի Ելենա Ստեպանենկոն «Դեռ երեկո չէ» հաղորդման ժամանակ բացահայտել է հումորիստ Եվգենի Պետրոսյանի հետ ապահարզանի մանրամասները: Նրա խոսքը մեջբերում է «Կոմսոմոլսկայա պրավդան»։

67-ամյա արտիստուհին կարծում է, որ կարելի էր խուսափել գույքի բաժանման հետ կապված սկանդալներից։ Նա ասել է, որ ի սկզբանե պայմանավորվել է ամուսնու հետ, որ ամեն ինչ հավասարապես կբաժանվի, սակայն ավելի ուշ նրանց միջեւ վեճ է սկսվել:

«Առաջարկեց. «Կիսում ենք հավասար։ Սա՝ ինձ, սա՝ քեզ»։ Ես համաձայնեցի. «Լավ։ Գրիր ինչն ում» Գրեց։ «Ես ասում եմ. «Հիանալի է, միայն թե արի այս ազգանունն այնտեղ դնենք, մյուսն՝ այստեղ»։ Բղավոցներով խոսակցություն սկսվեց՝ ինչպես, ինչ, ինչու»,- իր հաղորդման եթերում պատմել է Ելենա Գրիգորեւնան։ Արդյունքում ամուսինները որոշել են ունեցվածքը հավասար կիսվել դատարանի միջոցով, հավելել է նա։

Նա տղամարդկանց խորհուրդ է տվել անմիջապես կանանց պատմել իրենց կյանքում այլ կնոջ հայտնվելու մասին։ Ստեպանենկոյի խոսքով՝ եթե ամուսնության մեջ զգացմունքները սառել են, ապա «իսկական տղամարդը հասկանում է, որ պետք է գալ, ճամպրուկը վերցնել եւ հեռանալ»:

Հումորիստների ամուսնալուծության մասին տեղեկատվությունը հայտնվել է 2018-ի օգոստոսին: Նույն տարվա նոյեմբերին Ստեպանենկոն պաշտոնապես բաժանվեց Պետրոսյանից ։ ԶԼՄ-ների տեղեկություններով ՝ դերասանն ամուսնացել է իր օգնական Տատյանա Բրուխունովայի հետ 2019 թվականի դեկտեմբերի սկզբին, իսկ 2020 թվականի մարտին զույգը երեխա է ունեցել:

Այս թեմայով Եվգենի Պետրոսյանն իր 75-ամյակի օրն առաջին անգամ հրապարակել է իր ու Տատյանա Բրուխունովայի որդու լուսանկարը Եվգենի Պետրոսյանը ստիպված է եղել շտապ ընդհատել ելույթը Սեր ու երջանկություն. Բրուխունովան ու Պետրոսյանն՝ առաջին անգամ ռոմանտիկ լուսանկարում Եվգենի Պետրոսյանը երիտասարդ կնոջը վիրավորելու համար դատի է տվել գործընկերոջը՝ հումորիստ Վիկտոր Կոկլյուշկինին Եվգենի Պետրոսյանն ընտանեկան գաղտնիք է բացահայտել