«Ryanair-ի հետ բանակցությունները տարվում էին դեռևս Սերժ Սարգսյանի օրոք, պարզապես հին իշխանությունը հրաժարվեց յուրաքանչյուր ուղևորի համար 76 դոլար վճարը վերցնել բյուջեից». Լապշին
Արցախ այցելելու համար Ադրբեջանում դատապարտված, սակայն ավելի ուշ ազատություն ստացած ռուս-իսրայելցի բլոգեր Ալեքսանդր Լապշինն անդրադարձել է եվրոպական ամենամեծ՝ Ryanair իռլանդական բյուջետային ավիաընկերության մուտքին հայկական շուկա:
«Ամբողջ համացանցն այսօր քննարկում է, թե ինչ հիանալի աղջիկ է Հայաստանի քաղավիացիայի կոմիտեի նախագահ Տաթևիկ Ռևազյանը, որ կարողացավ «համոզել» Ryanair-ին գալ Հայաստան: Ինչպիսի անհեթեթություն: Ի՞նչ կապ ունի այդ աղջիկը: Ընկերնե՛ր, հարցն ախր Տաթևիկ Ռեվազյանի՝ ավիաընկերությունների հետ պայմանավորվելու կարողությունը չէ: Հարցն այն էր, որ պետությունը վերացնի ավիաընկերությունների համար օդանավակայանում բոլոր վճարները, որպեսզի նրանք համաձայնեն թռիչքներ կատարել Հայաստան»,- գրել է բլոգերն իր ֆեյսբուքյան էջում:
Այսօր վճարները մեկ ուղևորի համար, ըստ նրա, կազմում են 76 դոլար, և այդ վճարը ՀՀ վարչապետ Նիկոլ Փաշինյանի կարգադրությամբ իր վրա է վերցրել պետությունը:
«Այդ ամենն ինձ ասել է անձամբ Փաշինյանը՝ դեռ 2018-ի ամռանը՝ ավելի քան մեկ տարի առաջ: Բայց այսօր քչերն են հիշում, որ դեռ Սերժ Սարգսյանի օրոք՝ 2015-ին, Ryanair-ը հստակ դրել էր իր պայմանները՝ վճարումները վերցրեք ձեզ վրա, և մենք կգանք Հայաստան: Չեք վերցնի՝ չենք գա: Շատ պարզ ու հստակ»,- գրել է նա:
Լապշինի խոսքով՝ Ryanair-ի և Wizzair-ի հետ բանակցությունները տարվում էին դեռևս Սերժ Սարգսյանի օրոք, «Տաթևիկից շատ առաջ», պարզապես հին իշխանությունը հրաժարվեց յուրաքանչյուր ուղևորի համար 76 դոլար վճարը վերցնել բյուջեից: Դրա համար էլ Ryanair-ը չեկավ: Առանց բյուջեի գումարների՝ Քաղավիացիայի նախկին նախագահը ոչինչ չէր կարող անել:
«Երբ Հայաստանի բյուջեից տարեկան ավելի քան 5 միլիոն դոլար տրամադրվեց այս վճարների համար, Ryanair-ը միանգամից համաձայնեց: Տաթևիկն ուղղակի գնացել է Եվրոպա և հայտնել է նրանց Նիկոլ Փաշինյանի որոշման մասին: Այդ պատճառով էլ կարծում եմ, որ այս ավիաընկերության գալու մեջ Տաթևիկ Ռևազյանի ներդրումը չկա: Սա բացառապես Փաշինյանի որոշումն էր, և սա բյուջետային գումարներ են»,- գրել է նա:
Հիշեցնենք, որ եվրոպական ամենամեծ՝ Ryanair իռլանդական բյուջետային ավիաընկերությունը մուտք է գործում Հայաստանի ավիացիոն շուկա: Մուտքն ազդարարել են Ryanair ընկերության կոմերցիոն ղեկավար Դեյվիդ Օ՛Բրայանը, «Արմենիա միջազգային օդանավակայաններ» ընկերության տնօրեն Մարսելո Վենդեն և Քաղաքացիական ավիացիայի կոմիտեի նախագահ Տաթևիկ Ռևազյանը՝ հոկտեմբերի 16-ին հրավիրած ասուլիսում:
Առաջին չվերթն ավիաընկերությունը կիրականացնի հունվարի 14-ին՝ Երևանը կապելով Հռոմի և Միլանի հետ, ապա մարտի վերջից կգործի Բեռլինի ուղղությունը, իսկ Գյումրին Գերմանիայի Մեմինգեն քաղաքի հետ կկապվի մարտի վերջից:

















































Կրկեսը՝ մանկության երազանքից մինչև մարզային բեմեր
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)
Օլիմպիական խաղերի հնգակի և աշխարհի բազմակի չեմպիոնը կպայքարի Ֆրանսիայի նախագահի պաշտոնի համար
Ջամալ Մուսիալան կարող է ժամանակից շուտ ավարտել պրոֆեսիոնալ կարիերան
Իրազեկում․ Այվազովսկու փողոցում տեղադրվել է տեսանկարահանող տեխնիկական միջոց
Էստոնիայի ԱԳ նախարարը Արարատ Միրզոյանին շնորհել է Արժանիքների խաչ առաջին աստիճանի շքանշան