Երկուշաբթի հաղորդում կներկայացնենք BBC-ի երեկվա հրապարակման կապակցությամբ. Ռուբեն Մելիքյան
«Իրավական ուղի» ՀԿ համանախագահ Ռուբեն Մելիքյանը չի փոխել իր կարծիքը և շարունակում է պնդել BBC-ի երեկվա հրապարակման կապակցությամբ առանց հապաղելու քրեական գործ հարուցելու անհրաժեշտության մասին։
Նա Tert.am-ի հետ զրույցում նշեց, որ պետք է իրականացվի Քրեական դատավարության օրենսգրքով նախատեսված նյութերի նախապատրաստություն կամ քրեական գործի հարուցման շրջանակում ստուգում:
«Պետք է պարզվի՝ արդյոք առկա է հանցակազմ, թե ոչ: Մեր պետությունը, իրավական համակարգը պաշտոնապես իր գնահատականը պետք է տա այդ փաստին»,- ասաց նա:
Մելիքյանն արդեն իսկ իր ֆեյսբուքյան էջով հայտարարել էր, որ, «եթե քրեական գործ չհարուցվի, ՀՀ քրեական դատավարության օրենսգրքի բոլոր ֆորմալությունների պահպանմամբ վաղը ներկայացնելու են հանցագործության մասին գրավոր հաղորդում», բայց տեղեկացրեց, որ դեռևս հաղորդումը չեն ներկայացրել:
«Չեմ համարում, որ մենք ենք այդ երևույթի միակ շահառուն, այս երևույթի շահառուն բոլորս ենք: Մենք ընդամենն այդ բոլորից մեկն ենք, որ հանձնառություն ենք ստանձնել, որ եթե չլինի, ապա մենք կլինենք: Այն բանից հետո, որ դատախազությունը որոշակի տեղեկություններ հրապարակեց, դրանք վերլուծելու կարիք կա: Ավելին՝ այսօրվա մեր լրահոսը բավական «հետաքրքիր» փաստեր էր պարունակում՝ նույն քրեական գործից որոշակի նյութեր»,- ընդգծեց Ռուբեն Մելիքյանը:
Իրավապաշտպանի կարծիքով՝ անպայման իրավական ֆորմալ հիմք պետք է ստեղծել, որ իրականացվի առնվազն նյութերի նախապատրաստություն: Նրա խոսքով՝ իրենք արդեն իսկ աշխատում են հաղորդման տեքստի վրա:
«Եթե ոչ այսօր, ապա երկուշաբթի նման հաղորդում կլինի: Ամեն դեպքում մենք սկսել ենք աշխատել հաղորդման տեքստի վրա, այստեղ խնդիրը վերաբերում է նրան, որ մեր իրավապահ մարմինները սկսեն քրեադատավարական ընթացակարգ, որի արդյունքում կարող է գործ հարուցվել»,- նշեց իրավապաշտպանը:
Մելիքյանի գնահատմամբ՝ եթե քրգործ չհարուցվի, նշանակում է՝ նախաքննական գաղտնիք պարունակող տեղեկություններ չեն հրապարակվել:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Կասեցվել է «Պանիր Լոռի» և «Կաթի սեր» արտադրատեսակների արտադրությունը
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո