Փուչիկը պայթելու առանձնահատկություն ունի․ Քոչարյանին հասցեագրված մեղադրանքը «փուչիկ» է
ԱԺ փոխնախագահ Ալեն Սիմոնյանը, անդրադառնալով Սահմանադրական դատարանի շուրջ առաջացած իրավիճակին, նախ այն բնորոշում է որպես ճգնաժամ, որն իրականության հետ որևէ աղերս չունի, ապա, որպես հաղթահարման ուղի, առաջադրում է ՍԴ նախագահի փոփոխության անխուսափելիության խնդիրը: Մասնավորապես նշում է, որ Հրայր Թովմասյանը պետք է խոհեմություն հանդես բերի և օր առաջ, իբրև թե հանուն պետության, հրաժարվի պաշտոնից: Որպես վերացական փաստարկ նշում է Հրայր Թովմասյանի քաղաքականացված լինելը, Ս. Սարգսյանի «հագով կարված» Սահմանադրության, իշխանության «վերարտադրությունն» ապահովող ընտրական օրենսգրքի հեղինակ լինելը, սակայն թաքցնում է իրական պատճառը: Իսկ դա Ռ. Քոչարյանի գործի վարույթ ընդունելն ու ամենայն հավանականությամբ իրենց համար ոչ ցանկալի որոշման կայացման հնարավոր հավանականությունն է:
ՍԴ-ն և մասնավորապես նախագահ Հրայր Թովմասյանը, հրաշալի հասկանալով Քոչարյանի գործում իրավական հիմքերի բացակայության հանգամանքը, բայց և խուսափելու համար հնարավոր որոշման քաղաքական շահարկումներից,՝ խորհրդատվության նպատակով նախքան վարույթ ընդունելը դիմել են Մարդու իրավունքների եվրոպական դատարան և Վենետիկի հանձնաժողով` խորհրդատվական նկատառումներով վերջիններիս դիրքորոշումը պարզաբանելու համար: ԵՎ եթե միջազգային իրավական գնահատականը երկրորդ նախագահի շահերի պաշտպանության տեսանկյունից լինի դրական, ապա ՍԴ-ի որոշումը կլինի բացառապես իրավական, իսկ Ռ. Քոչարյանի շուրջ ձևավորված գործընթացը` քաղաքական: Հենց զարգացման հնարավոր այս տարբերակն է տագնապ առաջ բերել իշխող քաղաքական թիմի շրջանակներում: Նրանք իրականում հրաշալի հասկանում են, որ Քոչարյանին հասցեագրված մեղադրանքը «փուչիկ» է: Այդ պատճառով էլ Ա. Սիմոնյանը հայտարարում է, որ եթե Հ. Թովմասյանի հրաժարականի ճանապարհով «ճգնաժամը» հաղթահարել չհաջովեց, կփորձեն գտնել այլ լուծում:
Իսկ ինչ վերաբերում է Ալեն Սիմոնյանի կողմից բերվող եթերային պատճառաբանություններին, թե իբր Հրայր Թովմասյանն է հեղինակել ներկայիս «վատ» Սահմանադրությունն ու Ընտրական օրենսգիրքը, ապա պետք է հիշեցնել, որ իրավական այդ փաստաթղթերի փոփոխության խնդիրը հենց իրենք են սահուն հեռացրել «հեղափոխության» քաղաքական օրակարգից: Ժամանակը ցույց տվեց, որ «ուրիշի հագով կարված» Սահմանադրության մեջ բավականաչափ «հարմարավետ» տեղավորվել են թե՛ վարչապետը, և թե՛ քաղաքական թիմը, իսկ «վատ» Ընտրական օրենսգիրքը (եթե չհաշվենք իմիտացիան, թե իբր ցանկանում էին այն փոխել, բայց ընդհամենը մեկ ձայն չբավականացրեց) հնարավորություն ընձեռեց կյանքում 20 հոգու «չբարևած» մարդկանց» ստանալ 20 հազար և ավելի քվե...
Փուչիկը պայթելու առանձնահատկություն ունի....
***
Տաղանդավոր հեղափոխականները հաղթում են առանց հեղափոխություն անելու...
Տաղանդավոր դատավորը ուզի-չուզի պետք ա կալանքը տա...
Գարեգին Պետրոսյանի ֆեյսբուքյան էջից
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Կասեցվել է «Պանիր Լոռի» և «Կաթի սեր» արտադրատեսակների արտադրությունը
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո