«Գնալ Երևան` նույնն է, թե գնալ տատիկի գյուղ». «Афиша Daily»-ն պատմում է հայկական համերի մասին

«Афиша Daily» ռուսական հրատարակությունը հրապարակել է Հայաստանում գաստրոնոմիական զբոսաշրջության մասին հոդված, որտեղ խոսվում է հայկական ավանդական ճաշատեսակների համային հատկանիշների մասին:

«Գնալ Երևան` նույնն է, թե գնալ տատիկի գյուղ: Տատիկը, որը շատ բան գիտի տոլմայի, խաշի, քյաբաբի և հարիսայի մասին, իսկ իրիկնադեմին սունդուկից կհանես ամենանորաձևը և հնոտիներով կցնծաս տեխնոյի հնչյունների տակ, և կամ կվերլուծես անցած օրերը ջազի ուղեկցությամբ: Դե, դուք հասկացաք, և կարծում եմ, հավաքեցիք ձեր ճամպրուկները՝ տեղ թողնելով գինու և կոնյակի համար»,- ասված է հոդվածում :

Հոդվածում ներկայացված է նաև Հայաստանում ամենահայտնի վայրերի ամփոփ նկարագիրը` ռեստորաններից մինչև գինու բարեր, որտեղ կարելի է համտեսել ազգային խոհանոցի առավել համեղ պատառները, համտեսել հայկական գինի և վայելել լավ երաժշտություն:

Հրատարակությունն առանձին բաժնով պատմում է նաև հայկական շուկաների մասին՝ նշելով, որ այդ շուկաներ այցելելով հնարավոր է տեսնել հայկական գյուղատնտեսության բոլոր ձեռքբերումները և համտեսել տարբեր քաղցրավենիքներ` չորացրած դեղձ՝ լցոնած ընկույզով, փախլավա, մարմելադ, քաղցր լավաշ և ձմերուկի չիր: