Բաքուն պատրաստվում է դիմավորել Հենրիխ Մխիթարյանին

Արդեն տեղեկացրել ենք, որ ֆուտբոլի Եվրոպայի լիգայի եզրափակիչ խաղը կայանալու է մայիսի 29-ին Ադրբեջանի մայրաքաղաք Բաքվում: Երկու անգլիական թիմերը՝ Արսենալը եւ Չելսին իրենց վեցհազարական երկրպագուների հետ կուղեւորվեն Բաքու՝ հաղթողին պարզելու համար:

Խաղին պատրաստվում են ոչ միայն թիմերը, երկրպագուները եւ կազմակերպիչները, այլ նաեւ «խիստ հայրենասեր» ադրբեջանցիները, որոնք ֆուտբոլի հետ որեւէ կապ չունեն:

Ըստ ադրբեջանական մամուլի, ազգայնականները պատրաստվում են հենց օդանավակայանից դիմավորել Հենրիխ Մխիթարյանին եւ բացատրել, որ նա չպետք է ժամաներ Բաքու: Նրանք խոստանում են ամեն ինչ անել, որ Մխիթարյանի մտքով անգամ չանցնի դուրս գալ խաղադաշտ եւ ֆուտբոլ խաղալ 70 հազարանոց մարզադաշտում:

Սրա հետ միաժամանակ կազմակերպիչները նշում են, որ Մխիթարյանը որեւէ խնդիր չի ունենալու:

Top-News.am