Ավստրիայում տարրական դպրոցներում մուսուլմանական գլխաշորերը արգելող օրենք է ընդունվել
Ավստրիայի «Ազատություն» (FPÖ) և «Ժողովրդական» (ÖVP) կուսակցությունների կազմած կոալիցիան խորհրդարանում հաստատել է կառավարության առաջարկած օրենքի նախագիծը, որով տարրական դպրոցի աշակերտներին արգելվում է գլխաշոր կրել։
«Մինչև 10 տարեկան աշակերտներին արգելվում է կրոնական պատկանելիությունը ընդգծող գլխաշոր կապել»,- ասված է օրենքում։ Նոր օրենքի այս դրույթը խախտող երեխաների ծնողները կարող են տուգանվել մինչև 440 եվրոյի չափով։
Նախագիծը խորհրդարանում թեժ քննարկումների պատճառ է դարձել և արժանացել ընդդիմադիր «Սոցիալ-դեմոկրատական» և «Նոր Ավստրիա» կուսակցությունների քննադատությանը։
Ընդդիմադիր ուժերի և խորհրդարանում քննարկմանը ներկա գտնված մուսուլմանների կարծիքով՝ այդ օրենքը որևէ կերպ չի նպաստի մուսուլմանների ինտեգրացիային երկրում, ավելին՝ այն նոր խնդիրներ կստեղծի հասարակության շրջանում։ Կառավարությունն, ընդհակառակը, պնդում է, որ օրենքը միտված է երեխաների նորմալ զարգացումն ու ինտեգրացիան հեշտացնելուն։
Ընդունված օրենքը կարող է բողոքարկվել և չեղարկվել Ավստրիայի Սահմանադրական դատարանում։ Ավստրիայի Իսլամական համայնքը և մի շարք հասարակական կազմակերպություններ հայտարարել են, որ օրենքի չեղարկման համար կդիմեն Սահմանադրական դատարան, քանի որ այն հակասում է «հավասարության» մասին Սահմանադրության պահանջին։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սիթի ՍՊ ընկերության մի քանի աղցանի արտադրությունը կասեցվել է
Սամվել Կարապետյանին կալանավորելու միջնորդություն է ներկայացվել
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Էլեկտրաէներգիայի ընդհատումներ կլինեն Երևանում և մարզերում․ հասցեներ