Պորոշենկոն Բրյուսելից խորհուրդ է տվել Զելենսկիին
Ուկրաինայի գործող նախագահ Պյոտր Պորոշենկոն Եվրամիության «Արևելյան գործընկերություն» ծրագրի տասնամյակին նվիրված գագաթնաժողովի շրջանակում ելույթ ունենալիս խորհուրդ է տվել նախագահական ընտրություններում հաղթած Վլադիմիր Զելենսկիին հետևել իր անցած ուղուն, գրում է korrespondent.net-ը:
«Ուղղակի անցնել նախագահ Պորոշենկոյի անցած ճանապարհով»,- ասել է Պորոշենկոն՝ պատասխանելով մոդերատորի հարցին՝ ի՞նչ խորհուրդ կտար նա Զելենսկիին:
Նա ընդգծել է, որ ԱլԳ անդամ երկրներին առաջիկա 10 տարում հարկավոր է ավելի շատ համագործակցել ԵՄ անդամ երկրների հետ, այդ թվում՝ բարեփոխումների իրականացման համար:
«Ավելի շատ բարեփոխում, ավելի շատ համագործակցություն Եվրոպական հանձնաժողովի, Եվրախորհրդի, Եվրամիության հետ»,- ասել է Պորոշենկոն:
Նա ընդգծել է, որ հաջորդ փուլերից մեկը պետք է դառնա եվրոպական մայրցամաքի էներգետիկ անվտանգությունը:
«Ես ցանկանում եմ ասել, որ պետք է հավատալ, որ հաջորդ 10 տարիները հաջողության տարիներ կլինեն, և գուցե, 10 տարուց մենք կհավաքվենք այստեղ և կասենք՝ այդպես էլ եղավ»,- ասել է Ուկրաինայի գործող նախագահը:
Նշենք, որ Ուկրաինայի նախագահական ընտրություններում հաղթած շոումեն Զելենսկին հաղթանակից հետո արդեն 4-րդ շաբաթը չի կարողանում պաշտոնը ստանձնել. խորհրդարանը դեռ չի նշանակել երդմնակալության արարողության օրը:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սիթի ՍՊ ընկերության մի քանի աղցանի արտադրությունը կասեցվել է
Սամվել Կարապետյանին կալանավորելու միջնորդություն է ներկայացվել
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Էլեկտրաէներգիայի ընդհատումներ կլինեն Երևանում և մարզերում․ հասցեներ