Փարիզում էկոակտիվիստները 300 լիտր «արյուն» են լցրել հրապարակում
Փարիզում էկոակտիվիստներն ակցիայի ժամանակ 300 լիտր բուտաֆորային արյուն են թափել Տրոկադերո հրապարակի աստիճանների վրա՝ նպատակ ունենալով ուշադրություն հրավիրել Երկրի վրա կենսաբազմազանության վերացման տեմպերի արագացման վրա։
France 24-ի հաղորդմամբ՝ ակտիվիստները կոչ են արել իշխանություններին միջոցներ ձեռնարկել կենսաբազմազանության պահպանման համար։
Ֆրանսիական մեկ այլ՝ Բորդո քաղաքում ոստիկանությունը ձերբակալել է Extinction Rebellion շարժման 6 ակտիվիստի, ովքեր պայքարում են կլիմայի փոփոխության դեմ։
ՄԱԿ-ի նախազգուշացմամբ՝ առաջիկա տասնամյակում Երկրի երեսից կարող է անհետանալ կենդանիների ու բույսերի 8 միլիոն տեսակներից մոտ 1 միլիոնը։