Համացանցի օգտատերերը ծաղրել են երեխաների հետ ֆուտբոլ խաղացող Թերեզա Մեյին (տեսանյութ)

Twitter սոցկայքի օգտատերերը ծաղրել են Մեծ Բրիտանիայի վարչապետ Թերեզա Մեյին նրա ներբեռնած տեսանյութի համար, որում նա երեխաների հետ ֆուտբոլ է խաղում:

«Սա անգլիական ֆուտբոլի համար պատմական շաբաթ էր, մեր ֆուտբոլային ակումբները ոգեշնչում են երեխաներին, մեծահասակներին և վարչապետերին»,- գրել է Մեյը տեսանյութի վերնագրում:

Մեծ Բրիտանիայի վարչապետն այս կերպ անդրադարձել է անգլիական «Լիվերպուլ» և «Տոտտենհեմ» ակումբների՝ Չեմպիոնների լիգայի եզրափակիչ դուրս գալուն, ինչպես նաև այն փաստին, որ Եվրոպայի լիգայի եզրափակչում հաղթանակի համար կպայքարեն անգլիական «Չելսի» և «Արսենալ» ակումբները:

Տեսանյութի մեկնաբանություններում շատ օգտատերեր քննադատել և ծաղրել են քաղաքական գործչին՝ ասելով, որ նրանից ավելի լավ ֆուտբոլիստ դուրս կգա, քան վարչապետ:

«Ձեր դարպասին արդեն այնքան գոլ է խփվել, որ ես Ձեր փոխարեն կմտածեի այլ սպորտով զբաղվելու մասին»,- նկատել է օգտատերերից մեկը:

«Ինչպե՞ս է Մեծ Բրիտանիայի վարչապետին հաջողվում այսքան հաճախ հայտնվել անհարմար իրավիճակներում»,- գրել է մեկ այլ օգտատեր:

It’s been a historic week for English football, with Liverpool, Spurs, Arsenal and Chelsea inspiring children, adults, Prime Ministers... pic.twitter.com/pLyqEzldiI

— Theresa May (@theresa_may) 11 мая 2019 г.