Ճապոնական Կյուսու կղզու ափերին մեկ ժամում երկու հզոր երկրաշարժ է տեղի ունեցել
Ճապոնական Կյուսու կղզու ափերին տեղի ժամանակով 22.41-ին (Երևանի ժամանակով 02.43-ին) տեղի ունեցել 5.6 մագնիտուդ ուժգնությամբ երկրաշարժ, հաղորդում է РИА Новости-ն: Էպիկենտրոնը գտնվել է Միյաձակի քաղաքից 22 կմ հարավ: Երկրաշարժի կենտրոնը գտնվել է 30 կմ խորության վրա:
Մեկ ժամ անց, նույն տարածքում տեղի ժամանակով 23.48-ին (Երևանի ժամանակով 03.48-ին) տեղի է ունեցել երկրորդ հզոր երկրաշարժը՝ 6.1 մագնիտուդ ուժգնությամբ: Էպիկենտրոնը կրկին գտնվել Միյաձակի քաղաքից 39 կմ դեպի արևելք, երկրաշարժի օջախը՝ 40 կմ խորության վրա:
Նշվում է, որ երկրակեղևի ցնցումներից հետո ցունամիի վտանգ չկա: