Ավելի ու ավելի շատ ամերիկացիներ են աջակցում Թրամփի իմփիչմենթի գաղափարին
Ամերիկացիների թիվը, որոնք կարծում են, որ Կոնգրեսը պետք է հայտարարի նախագահ Դոնալդ Թրամփի իմփիչմենթի մասին, ապրիլի կեսից 5 տոկոսով աճել է: Հիմա պաշտոնից նախագահին հեռացնելու գաղափարին համաձայն է երկրի բնակիչների 45 տոկոսը: Այս մասին նշված է սոցհարցման մեջ, որի արդյունքները հինգշաբթի հրապարակել էր Reuters/Ipsos գործակալությունը:
Միաժամանակ, հարցվածների 42 տոկոսը կարծում է, որ չի կարելի Թրամփին պաշտոնից հեռացնել, իսկ եւս 13 տոկոսը ձեռնպահ է մնացել միանշանակ պատասխանից: Ապրիլի 18-19-ը անցկացված հարցման ժամանակ ինփիչմենթի օգտին է արտահայտվել հարցվածների 40 տոկոսը, փոխանցում է «Ամերիկայի ձայնը»:
Երկուշաբթի անցկացված հարցման արդյունքները հստակություն չեն մտցրել գլխավոր հարցում, որը հուզում է Ներկայացուցիչների պալատում Դեմոկրատական կուսակցության առաջնորդներին: Այդ հարցն այն է, թե իրականում ինչ են ցանկանում ամերիկացիները՝ նախագահի դեմ բազմաթիվ հետաքննությունների դադարեցո՞ւմ, թե՞ անցում ինփիչմենթ հայտարարելու ընթացակարգին:
Դեմոկրատների ղեկավարությունը դեռեւս միասնական կարծիքի չի հանգել պաշտոնից նախագահին հեռացնելու անհրաժեշտության հարցում՝ հաշվի առնելով այն, թե այդ գաղափարը ինչպիսի դիմադրությա