Վենեսուելայում ձերբակալել են ընդդիմադիր խորհրդարանի փոխխոսնակին
Վենեսուելայի ընդդիմադիր խորհրդարանի առաջին փոխխոսնակը ձերբակալվել է, հայտնել է իշխանությունների հանդեպ չեզոք Ազգային հիմնադիր ժողովի խոսնակ Դիոսդադո Կաբելյոն, փոխանցում է «ՌԻԱ Նովոստի»-ն:
«Տեղեկացնում եմ, որ մի քանի րոպե առաջ ձերբակալվեց ապրիլի 30-ին պետական հեղաշրջման փորձի ղեկավարներից մեկը… Էդգար Սամբրանոն»,- հայտնել է նա պետական հեռուստաալիքի եթերում:
Ընդդիմադրի Twitter-յան էջում գրառում է հայտնվել այն մասին, որ նրա մեքենան շրջապատել են Բոլիվարական հետախուզության ծառայության՝ SEBIN-ի աշխատակիցները:
Վենեսուելայի նախագահ Նիկոլաս Մադուրոն չորեքշաբթի տասնյակ զինվորականների ազատել էր պետական հեղաշրջման փորձին մասնակցության պատճառով: Նրանց թվում էր SEBIN-ի նախկին ղեկավար, դիվիզիայի գեներալ Իլյիչ Սանչեսը, որը վերջին ամիսներին ղեկավարում էր Մադուրոյին ընդդիմադիր Ազգային ասամբլեայի անվտանգության ծառայությունը:
Դրանից բացի, բանակից հեռացվել են 4 փոխգնդապետ, 4 մայոր, 4 կապիտան, 6 լեյտենանտ եւ 35 սերժանտ: