Ռուսաստանի հավաքականի ֆուտբոլիստներից երկուսը 1,5 տարի կանցկացնեն բանտում
Դատարանը ՌԴ հավաքականի արդեն նախկին ֆուտբոլիստներ Ալեքսանդր Կոկորինին եւ Պավել Մամաեւին եւ եւս երկու մեղադրյալների մեղավոր ճանաչեց: Կոկորինը բանտում կանցկացնի 1 տարի եւ 6 ամիս, Մամաեւը՝ 1 տարի եւ 5 ամիս:
Դատարանը որոշեց, որ ֆուտբոլիստները, ինչպես նաեւ Կոկորինի եղբայրը եւ նրանց ընկերը ցուցաբերել են բացահայտ ագրեսիա, հասկանալով, որ իրենց գործողություններով կարող են վնաս պատճառել տուժողների կյանքին եւ առողջությանը:
Դատավորը համոզվել է, որ ֆուտբոլիստները գործել են խուլիգանական մղումներով, եւ ոչ թե անձնական դրդապատճառներով:
Դատավորը նախաքննության հետ չի համաձայնվել միայն կանխամտածված գործողությունների պահով: Նա որոշեց, որ նրանք գործել են հախուռն, առանց նախապես բաշխելով դերերը:
Top-News.am