Պեկինը պատասխան միջոցառումներ կնախաձեռնի, եթե Վաշինգտոնը բարձրացնի տուրքերը
Չինաստանի առեւտրի նախարարությունը հայտարարել է, որ պատասխան միջոցառումներ կնախաձեռնի, եթե Վաշինգտոնը շարունակի իրականացնել չինական ներկրվող ապրանքների վրա տուրքերի բարձրացման իր ծրագիրը։ Նախարարությունում նշել են, որ առեւտրային տարաձայնությունների աճը չի բխում ո՛չ երկրի, ո՛չ աշխարհի շահերից։
ԱՄՆ դաշնային ռեեստրի կողմից հրապարակված փաստաթղթի համաձայն, չինական մի շարք ապրանքների ներկրման տուրքերը 10 տոկոսից կհասցվեն 25 տոկոսի՝ հայտնում է Reuters-ը։ Նոր կանոնները գործողության մեջ կդրվեն մայիսի 10-ից։
Նշվում է, որ ԱՄՆ առեւտրային ներկայացուցչության վարչությունը պետք է որոշի, թե ՉԺՀ-ից որ ապրանքների համար կարող են բացառություններ լինել։