ԱՄՆ-ը չեղարկել է Վենեսուելայի հետախուզության նախկին տնօրենի պատժամիջոցները. նա անցել է Գուայդոյի կողմը
Ինչպես հայտարարել է ԱՄՆ փոխնախագահ Մայքլ Փենսը, նա հույս ունի, որ Ֆիգերայի արարքը «կոգեւորի մյուս բարձրաստիճան վենեսուելացիներին»։
ԱՄՆ-ը չեղարկել է պատժամիջոցները Վենեսուելայի հետախուզության նախկին տնօրեն Մանուել Քրիսթոֆեր Ֆիգերայի հանդեպ այն բանից հետո, երբ նա աջակցել է ընդդիմության առաջնորդ Խոաւն Գուայդոյին։
Ինչպես ասել է ԱՄՆ փոխնախագահ Մայքլ Փենսը, նա հույս ունի, որ Ֆիգերայի արարքը «կոգեւորի մյուս բարձրաստիճան վենեսուելացիներին»՝ խզել հարաբերությունները երկրի նախագահ Նիկոլաս Մադուրոյի հետ։ «ԱՄՆ-ը կդիտարկի պատժամիջոցների թեթեւացման հարցը բոլոր նրանց համար, ովքեր հանդես կգան հօգուտ սահմանադրության եւ օրենքի գերակայության»,- ասել է Փենսը, տեղեկացնում է DW-ն։
Նա նաեւ հայտարարել է, որ հունիսին տարածաշրջան կվերադառնա ամերիկյան USNS Comfort նավը, որը կօգտագործվի հնգամսյա մարդասիրական առաքելության շրջանակում։
Ավելի վաղ Վենեսուելայի Գերագույն դատարանը կարգադրել էր պատասխանատվության ենթարկել խորհրդարանի մի քանի անդամների, որոնք աջակցել էին ապստամբությանը։ Փենսն ասել է, որ ԱՄՆ-ը կարող է պատժամիջոցներ մտցնել դատավորների հանդեպ, եթե նրանք դատարանն օգտագործեն որպես «ռեժիմի համար քաղաքական գործիք, որը բռնազավթել է դեմոկրատիան, մեղադրում է քաղբանտարկյալներին եւ նպաստում ավտորիտարիզմին»։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Սիթի ՍՊ ընկերության մի քանի աղցանի արտադրությունը կասեցվել է
Սամվել Կարապետյանին կալանավորելու միջնորդություն է ներկայացվել
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Էլեկտրաէներգիայի ընդհատումներ կլինեն Երևանում և մարզերում․ հասցեներ
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Քննարկվել են Երևանի և Սյունիքի մաքսային և լոգիստիկ կենտրոնների կառուցման ծրագրերը