Պետդեպի ներկայացուցիչը պարզություն չի մտցրել Հայաստանին ամերիկյան սպառազինության մատակարարման հարցում
ԱՄՆ պետքարտուղարի օգնականի տեղակալ Ջորջ Քենթը պարզություն չի մտցրել Հայաստանին ամերիկյան սպառազինության մատակարարումների հարցում։
«Այս պահին այս հարցով ինձ ոչինչ չեն ասել»,- հայտարարել է Ջորջ Քենթը Երեւանում տեղի ունեցած ճեպազրույցում։
Հիշեցնենք, որ նման հնարավորության մասին Երեւան այցելության ընթացքում ասել էր ԱՄՆ նախագահի անվտանգության հարցերով խորհրդական Ջոն Բոլթոնը անցած տարվա հոկտեմբերին։ Ինչպես հավաստիացրել էր Բոլթոնը, «անհրաժեշտ է հեռանալ պատմական կլիշեներից»՝ նկատի ունենալով Ռուսաստանը, եւ ավելացրել էր, որ «ամերիկյան սպառազինությունը ռուսականից լավն է»։