«Նրանք իմ նախագահության երկու տարին գողացան». Թրամփը` Մյուլլերի աղմկահարույց հետաքննության մասին
Միացյալ Նահանգների նախագահ Դոնալդ Թրամփն իր պաշտոնական թվիթերյան միկրոբլոգում կրկին անդրադարձել է դեմոկրատների նախաձեռնությամբ սկսված և հատուկ դատախազ Ռոբերտ Մյուլլերի վարած աղմկահարույց հետաքննությանը, որի նպատակն էր պարզել՝ արդյոք Ռուսաստանը միջամտել է 2016 թվականին կայացած ԱՄՆ նախագահական ընտրություններին և արդյոք Թրամփի շտաբի ու ռուսական կողմի միջև որևէ գաղտնի համագործակցություն է եղել:
«Չնայած, որ ես որպես նախագահ ահռելի հաջողություն եմ ունեցել՝ հաշվի առնենք երբևէ եղած ամենահզոր տնտեսությունն ու պատմության մեջ նախագահներից որևէ մեկի համեմատ պաշտոնավարման ամենահաջող առաջին երկու տարին, նրանք իմ նախագահության երկու տարին գողացան (խոսքը միջամտության հետաքննության մասին է): Մենք այլևս չենք կարողանա հետ բերել այդ տարիները»,-գրել է Թրամփը:
Նա հավելել է, որ «վհուկների որսն ավարտված է, սակայն իրենք դա չեն մոռանա»:
Հիշեցնենք, որ նախորդ ամիս ԱՄՆ-ում հրապարակվել էին Մյուլլերի երկամյա հետաքննության արդյունքները, համաձայն որոնց՝ Թրամփի և Ռուսաստանի միջև «որևէ գաղտնի դավադրություն չի եղել»: Այնուհանդերձ՝ փաստաթղթերում նշվում է, որ Ռուսաստանը հաքերային հարձակումների միջոցով ընտրությունների ելքի վրա ազդելու փորձեր է ձեռնարկել:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Էլեկտրաէներգիայի ընդհատումներ կլինեն Երևանում և մարզերում․ հասցեներ
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սամվել Կարապետյանին կալանավորելու միջնորդություն է ներկայացվել
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Սիթի ՍՊ ընկերության մի քանի աղցանի արտադրությունը կասեցվել է
Քննարկվել են Երևանի և Սյունիքի մաքսային և լոգիստիկ կենտրոնների կառուցման ծրագրերը