Հավայան կղզիներում տղամարդն ընկել է հրաբխի խառնարանն ու ողջ մնացել
ԱՄՆ-ում զբոսաշրջիկն ընկել է Հավայան կղզիների ազգային պարկում գտնվող Քիլաուայի ակտիվ հրաբխի խառնարանը: Այս մասին հաղորդում է The New York Times-ը:
Նշվում է, որ 32-ամյա տղամարդը բարձրացել է դիտակետի կողքին գտնվող պարսպի վրա, որպեսզի սելֆի անի խառնարանի ֆոնին։ Դրանից հետո նա սայթաքել է ու ավելի քան 20 մետր գահավիժել: Նրան որոնել են 9 ժամ և գտել մի խոռոչի նեղ հատվածի վրա: Պարանների օգնությամբ նրան բարձրացրել են և տեղափոխել հիվանդանոց:
Հրապարակման համաձայն՝ տուժողը լուրջ վնասվածքներ է ստացել, սակայն բժիշկները կարողացել են կայունացնել նրա վիճակը: