Չելյաբինսկի մարզում զանգվածային սպանություն է տեղի ունեցել, զոհերից մեկը 4 տարեկան երեխա է
ՌԴ Չելյաբինսկի մարզի Նյազեպետրովսկ քաղաքի սեփական տներից մեկում մայիսի 4-ին զանգվածային սպանություն է կատարվել։ Հանցագործը սպանել է 5 մարդու, որից մեկը 4-ամյա երեխա էր: Այս մասին հայտնում է «РИА Новости»-ն:
Նշվում է, որ երեխան մահացել է դանակի հարվածների հետևանքով: Տանը նաև եղել է նորածին երեխա` մանկասայլակի մեջ, որը կենդանի է մնացել: Փոքրիկ տղան գտնվում է բժիշկների հսկողության տակ:
Ոստիկանությունը ձերբակալել է 32-ամյա կասկածյալին, ով տեղի բնակիչ է: Տղամարդն ինքն է ներկայացել ոստիկանական բաժանմունք և խոստովանել, որ կոնֆլիկտի հետևանքով սպանել է ծանոթներին: Նա եղել է ոչ սթափ վիճակում: Հարուցվել է քրեական գործ: Դեպքի հանգամանքները պարզվում են: