Իրանի նախագահը կոչ է անում հույս չդնել բացառապես նավթի արտահանման վրա
«Իրանը պետք է զարկ տա ոչ նավթային սեկտորում արտադրված ապրանքների արտահանմանը». - այսօր Թեհրանում կայացած համաժողովի ընթացքում նման հայտարարությամբ է հանդես եկել Իրանի նախագահ Հասան Ռոհանին:
«Նախևառաջ Ամերիկան փորձում է նվազեցնել արտասահմանյան արտարժույթի այն ծավալները, որ այսօր գտնվում են մեր տրամադրության տակ: Այդ իսկ պատճառով մենք պետք է մեծացնենք արդյունաբերական արտադրության, ինչպես նաև ոչ նավթային սեկտորում արտադրված ապրանքատեսակների արտահանման ծավալները: Այդպիսով մենք կկարողանանք դիմադրել ամերիկյան այն դավադրությանը, որի նպատակն է արգելել մեզ` վաճառել Իրանում արդյունահանված նավթը», - հայտարարել է Ռոհանին: