Մեքսիկայում պատրաստել են 4 տոննա կշռող աշխարհի ամենամեծ փափուկ արջուկը

Մեքսիկայում աշխարհում ամենամեծ փափուկ արջուկն են ստեղծել, որը ներառվել է Գինեսի ռեկորդների գրքում, հաղորդում է Mexico Desconocido-ն։ Արջուկին Շոնիտա են անվանել։ Այն 4 տոննա է կշռում և շուրջ 25 մետր երկարություն ունի։

Նրա ստեղծման շուրջ աշխատել է Մեխիկո նահանգի 60 արհեստավոր։ Ռեկորդային խաղալիքի արտադրության համար 620 մետր կտոր է օգտագործվել։ Միայն արջուկի ականջի տակ գտնվող ժապավենի համար ավելի քան 100 մետր կտոր է գործածվել։

Նշվում է, որ խաղալիքի արժեքը 500 հազար պեսո է։