Ղազախստանում «ֆոտոշոփով» շտկում են երկրի ղեկավարի լուսանկարները
Ղազախստանում սկսել են «ֆոտոշոփի» ենթարկել նախագահի ժամանակավոր պաշտոնակատար Քասիմ Ժոմարտ Տոկաևի պաշտոնական լուսանկարները: Այս հանգամանքին ուշադրություն է դարձրել rferl.org կայքը` նկատելով, որ լուսանկարները շտկելու տեխնիկան ակնհայտորեն փոխում է առաջնորդի արտաքինը:
Աղբյուրն այս բացահայտումն արել է համեմատելով պաշտոնական հրապարակված լուսանկարներն ու սովորական լրագրողների կողմից նույն ժամանակ արված լուսանկարները:
Տոկաևը երկրի ղեկավարի պարտականություններն ստանձնել է Նուրսուլթան Նազարբաևի հրաժարականից հետո: Նա նաև առաջադրվել է երկրում հունիսի 9-ին կայանալիք արտահերթ նախագահական ընտրություններին մասնակցելու համար:
