Ռոնալդուն չի բացառում մարզչական կարիերա սկսելը

Թուրինի «Յուվենտուսի» եւ Պորտուգալիայի հավաքականի հարձակվող Կրիշտիանու Ռոնալդուն չի բացառել, որ ֆուտբոլիստի կարիերան ավարտելուց հետո կարող է սկսել մարզչական կարիերա, հաղորդում է El Pais-ը։

«Նոր ակումբում առաջինը ես փորձում եմ հավատարիմ մնալ իմ ինքնությանը։ Իմ աշխատանքային էթիկան միշտ նույնն է՝ լինել համեստ եւ միշտ հիշել, որ կարող ես ամեն ինչ չիմանալ։ Եթե խելացի ես, ապա որսում ես մանրուքները, որոնք կատարելագործում են քեզ։ Ես գերազանց եմ հարմարվել «Յուվենտուսում»։ Մարզչական կարիերա՞։ Իսկ, ինչո՞ւ ոչ»,- ասել է 34-ամյա Ռոնալդուն։

Ֆուտբոլիստի պայմանագիրը «Յուվենտուսի» հետ նախատեսված է մինչեւ 2022 թվականը։