ԱՄՆ-ում ոստիկանները գնդակահարել են 17-ամյա մերկ դպրոցականին
ԱՄՆ-ում ոստիկանները գնդակահարել են 17-ամյա դպրոցականին։ Ինչպես հայտնում է AP-ը, միջադեպը տեղի է ունեցել Օկլահոմա Սիթիում։
Ոստիկանության մամուլի քարտուղար Էդմոնդ Ջենի Վագնոնը հայտարարել է, որ դեռահաս աղջիկը զանգահարել է 911 եւ ասել, որ տղայի մոտ նոպա է, եւ նա ծեծում է իրեն։ Աղջկա խոսքերով, դեռահասին սպանել են այդ զանգից մոտ մեկ ժամ հետո։
Աղջիկը պատմել է, թե ոստիկանության երկու սպաները տեսել են, որ երիտասարդը մերկ վազում է փողոցով եւ հետեւել են նրան ու հետեւից մտել տուն։ Էլեկտրաշոկերը չի կարողացել հանգստացնել նրան, այդ պատճառով սպաները կրակ են բացել։ Տղան մահացել է հիվանդանոցում։
Edmond Public Schools-ի մամուլի քարտուղար Սյուզան Փարքս Շլեփը ասել է, որ տղան հաճախում էր հետ մնացող աշակերտների համար այլընտրանքային դպրոց։