Դուրիանը «հարբեցրել է» չինացուն
Չինաստանի բնակիչը դժվարությամբ է ապացուցել ոստիկաններին, որ ալկոհոլ չի խմել, այլ ընդամենը դուրիան է կերել ղեկին նստելուց առաջ։
Ինչպես հայտնում է BBC-ն, արեւելյան Ցանսյու նահանգից տղամարդը կալանավորվել է ոստիկանների կողմից՝ հարբած վիճակում մեքենա վարելու կասկածով։ Նա ալկոթեսթը չի անցել։ «Ես հենց նոր դուրիան եմ կերել»,- վստահեցրել է նա ոստիկաններին։ Արյան հետագա անալիզը ցույց է տվել, որ նրա օրգանիզմում ալկոհոլ չի եղել։
Հետաքննության ընթացքում ոստիկանը կերել է գարշահոտ միրգը եւ հաստատել, որ իր օրգանիզմում նույնպես ալկոհոլի մակարդակը դուրիանի օգտագործումից անմիջապես հետո կազմել է 36 մգ։