Չեխիայի ՍԴ-ն թույլ է տվել հյուրանոցին համար չտրամադրել այն ռուսներին, որոնք հավանություն են տալիս Ղրիմի՝ Ռուսաստանին միացմանը
Չեխիայի սահմանադրական դատարանն Օստրավա քաղաքում գտնվող Brioni հյուրանոցի ղեկավարության որոշման մեջ խտրականության դրսևորումներ չի հայտնաբերել, հայտնում է Echo24-ը՝ հիշեցնելով, որ հյուրանոցի ղեկավարությունը որոշել է համար չտրամադրել այն ռուսներին, որոնք հրաժարվել են գրավոր կերպով քննադատել Ղրիմի միացումը Ռուսաստանին:
2014 թվականի ապրիլին Brioni Boutique Hotel հյուրանոցում հայտարարություն է տեղադրվել, որում ասվել է, որ ռուսները չեն կարող այդտեղ մնալ, եթե չստորագրեն համապատասխան հայտարարությունը: Դրանից հետո առևտրային տեսչությունը տուգանել է հյուրանոցին 50 000 կրոնի չափով՝ այցելուների խտրականության պատճառով: Սակայն Օստրավայի դատարանը գործն ուղարկել է վերանայման, ինչի արդյունքում տուգանքի չափը նվազեցվել է մինչև 5000 կրոն: Գերագույն դատարանը մերժել է հյուրանոցի բողոքը:
Գերագույն դատարանի որոշումն էլ չեղարկել է Սահմանադրական դատարանը, որն ընդգծել է, որ այցելուները նախապես իմացել են պայմանների մասին և կարող էին այլ հյուրանոց ընտրել:
Դատարանը նաև որոշել է, որ հյուրանոցի ղեկավարության գործողությունները «համապատասխանել են ինչպես Չեխիայի վարած արտաքին քաղաքականությանը, այնպես էլ միջազգային կազմակերպությունների քաղաքականությանը»: