ԱՄՆ-ում անհայտ անձը վիճակախաղով 2 մլն դոլար է շահել և չի գնացել գումարը ստանալու
ԱՄՆ Տեխաս նահանգի բնակիչը շահել է վիճակախաղի ջեքփոթն ու չի ներկայացել գումարը վերցնելու, հայտնում է lenta.ru-ն:
Անհայտ անձը ձեռք է բերել QuickPick-ի տոմսը հոկտեմբերի 27-ին՝ Քոլեջ-Սթեյշն համալսարանական քաղաքում: Դրանում համընկել են 6 հաղթող թվերից 5-ը, ինչը նշանակել է, որ նա շահել է 2 մլն դոլար: Սակայն հաղթողն այդպես էլ չի կապվել կազմակերպիչների հետ ու մնացել է առանց շահած գումարի:
Տեխասի վիճակախաղային հանձնաժողովի ներկայացուցիչների համաձայն՝ մրցանակը ստանալու վերջնաժամկետն ապրիլի 25-ն էր: Խաղի կանոնների համաձայն՝ շահած գումարը կարելի է վերցնել նաև ժամկետից ուշ, եթե հաղթած անձը զինվորական ծառայության մեջ է գտնվում: Սակայն անհայտ է՝ համապատասխանում է այս հաջողակ անձնավորությունն այդ կատեգորիային, թե ոչ:
Շահած գումարները, եթե դրանց ետևից ոչ ոք չի գալիս, որպես կանոն, ուղղվում են նահանգի զարգացման ծրագրերին: