Իրանի ԶՈւ ԳՇ պետ․ Թեհրանը կարող է փակել Հորմուզի նեղուցը
Իրանի բանակի գլխավոր շտաբի պետը հայտարարել է, որ Թեհրանը կարող է փակել Հորմուզի նեղուցը, եթե Իրանի նկատմամբ թշնամական վերաբերմունքը հասնի այն մակարդակի, որ դրանից հնարավոր չլինի խուսափել։
Գեներալ Մոհամադ Բաքերին երեկ Թեհրանում հայտարարել է, թե Իրանը «մտադիր չէ» փակել նավթի տարանցման միջազգային կարևորագույն այս ուղին, բայց եթե իրանական նավթը այդ ուղով չի անցնելու, որևէ այլ երկրի նավթ չի կարող անցնել։
«Ներկայումս բոլոր նավերը նեղուցով անցնելիս պետք է պատասխանեն Իսլամական հեղափոխության պահապանների կորպուսի նավատորմի հարցերին», - ասել է նա՝ ավելացնելով, որ Միացյալ Նահանգների ռազմանավերը այդ պահանջին ենթարկվել են, և երբևէ խնդիր չի ծագել։
Պարսից և Օմանի ծոցերը կապող Հորմուզի նեղուցի նավարկուղիների մեծ մասը Օմանի ջրային տարածքում են։
Ավելի վաղ ԱՄՆ Կենտրոնական հրամանատարության ղեկավար գեներալ Քենեթ ՄըքՔենզին հայտարարել էր, որ Միացյալ Նահանգներն ունի «անհրաժեշտ ռեսուրսներ», որպեսզի թույլ չտա Իրանին «վտանգավոր» գործողություններ իրականացնել Պարսից ծոցի տարածաշրջանում։
Այս ամիս Վաշինգտոնը Իրանի Իսլամական հեղափոխության պահապանների կորպուսը դասել է ահաբեկչական խմբավորումների շարքում և է՛լ ավելի է խստացրել Թեհրանի դեմ պատժամիջոցները՝ հայտարարելով, որ մայիսի 1-ից առանց բացառության պատժամիջոցներ կկիրառի Իրանից նավթ արտահանող ցանկացած երկրի դեմ։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սամվել Կարապետյանին կալանավորելու միջնորդություն է ներկայացվել
Սիթի ՍՊ ընկերության մի քանի աղցանի արտադրությունը կասեցվել է
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Քննարկվել են Երևանի և Սյունիքի մաքսային և լոգիստիկ կենտրոնների կառուցման ծրագրերը