Գուանտանամոյի բանտի պետը պաշտոնանկ է արվել
ԱՄՆ ռազմածովային ուժերի հրամանատարությունը հեռացրել է դերծովակալ Ջոն Ռինգին, որը ղեկավարում էր Կուբայում գտնվող ամերիկյան Գուանտանամո բանտը։ Այս մասին հայտնում է The New York Times-ը։ Նշվում է, որ Ռինգն ազատվել է պաշտոնից՝ կապված կառավարման իր ունակությունների հանդեպ վստահության կորստի հետ։
Բանտապետի պարտականությունները ժամանակավորապես կկատարի նրա տեղակալը՝ բրիգադի գեներալ Ջոն Հասսին։ Նշվում է, որ Ռինգի հեռացումը եղել է մեկ ամիս տևած հետաքննության արդյունք։
Ահաբեկիչների համար նախատեսված բանտը բացվել էր 2002 թվականին՝ ԱՄՆ նախագահ Ջորջ Բուշի կողմից՝ 2001 թվականի սեպտեմբերի 11-ի ահաբեկչություններից հետո։ Ներկայում այնտեղ պահվում է 41 մարդ։