Ինչպես կարձագանքի Պեկինը. ամերիկյան 2 ռազմանավ մտել է Թայվանի նեղուց
Ամերիկյան իշխանությունները հայտնել են, որ երկու ռազմանավ (William P. Lawrence և Stethem) են ուղարկել Թայվանի նեղուց, ինչը, ըստ Reuters-ի, տեղի է ունեցել վերջին շրջանում Պենտագոնի կողմից ռազմավարական նշանակություն ունեցող նեղուցով գնալով ավելի հաճախակի դարձող անցումների ֆոնին՝ չնայած, որ Չինաստանը դրան դեմ է:
Գործակալությունը նկատում է, որ երկու ռազմանավի անցումը, ամենայն հավանականությամբ, նոր լարվածություն կառաջացնի Չինաստանի հետ հարաբերություններում: Մինչդեռ Թայվանի կողմից դա կընկալվի որպես ԱՄՆ նախագահ Դոնալդ Թրամփի վարչակազմից աջակցության նշան:
Հրամանատար Քլեյ Դոսի փոխանցմամբ՝ ամերիկյան նավերի անցման ընթացքում որևէ վտանգավոր և ոչ պրոֆեսիոնալ շփումներ չեն եղել այլ երկրների նավերի հետ:
Նշվում է, որ Թայվանը ամերիկա-չինական հարաբերությունների «թեժ կետերից» մեկն է: Բացի յադ, Պեկինը խիստ զգուշավորությամբ է վերաբերվում Հարավչինական ծովում Միացյալ Նահանգների ակտիվությանը: