Պետք է հարգենք ֆուտբոլն ու այս ակումբը. Զիդան

Մադրիդի «Ռեալի» գլխավոր մարզիչ Զինեդին Զիդանը մեկնաբանել է Իսպանիայի Լա լիգայի 35-րդ տուրում իր թիմի` «Ռայո Վալեկանոյից» նվազագույն հաշվով կրած պարտությունը: Տեղեկացնում է Championat-ը:

«Թիմը զրո խաղ ցույց տվեց խաղադաշտում` առաջին րոպեից սկսած մինչև վերջին րոպեն: «Ռեալն» ընդհանրապես չէր խաղում: Բարկացած եմ, ունենք վատ իմիջ, և ես պատասխանատու եմ այս իրավիճակի համար: Պետք է ներողություն խնդրենք մեր երկրպագուներից:

Չեմ զղջում, որ վերադարձել եմ իմ պաշտոնին, ընդհակառակը, հարկավոր է հաղթահարել դժվարին այս պահը, սակայն այսպես խաղալ չի կարելի: Ուզում եմ, որ մրցաշրջանը շուտ ավարտվի, սակայն առջևում դեռ երեք խաղ կա և մենք պետք է ինչ-որ բան մտածենք: Պետք է հարգենք ֆուտբոլն ու այս ակումբը:

Միշտ պաշտպանել եմ իմ սաներին, բայց ոչ այս անգամ: Ինքս էլ պատասխանատվություն եմ կրում, քանի որ ես եմ ընտրում կազմն ու ֆուտբոլիստներին պատրաստում հերթական խաղին»,- ասել է Զիդանը:

Հիշեցնենք, որ Իսպանիայի առաջնության 35-րդ տուրից հետո «Արքայական ակումբը» վաստակած 65 միավորով եզրափակում է մրցաշարային աղյուսակի լավագույն եռյակը: Մայիսի 5-ին կայանալիք հաջորդ տուրի խաղում «Ռեալը» սեփական հարկի տակ կընդունի «Վիլյառեալին»: