Էլինա Դանիելյանը Եվրոպայի առաջնությունում շարունակում է «հետապնդել» առաջատարին

Շախմատի կանանց Եվրոպայի անհատական առաջնությունում կայացել է 6-րդ տուրը: «Արմենպրես»-ի հաղորդմամբ՝ Հայաստանի ներկայացուցիչներից Էլինա Դանիելյանը ոչ-ոքի է ավարտել պարտիան: Աննա Սարգսյանը և Սիրանուշ Ղուկասյանը պարտություն են կրել, իսկ Լիլիթ Մկրտչյանը հաղթել է:

6-րդ տուրից հետո Էլինա Դանիելյանը շարունակում է կես միավորով հետ մնալ մրցաշարային աղյուսակի առաջատարից և ունի 4,5 միավոր: Լիլիթ Մկրտչյանը վաստակել է 4 միավոր: Առաջատար Ալինա Կաշլինսկայան ունի 5,5 միավոր: Ստուգատեսի ավարտին մնացել է 5 տուր: