Իսրայելն արգելել է Վրաստանից ժամանած մանկական անսամբլի մուտքը երկիր
Իսրայելի մաքսավորներն արգելել են վրացական մանկական «Գորդա» ազգային պարի անսամբլի մուտքը երկիր, հաղորդում է վրացական «Առաջին ալիքը»:
Մանկական փառատոնին մասնակցելու նպատակով Իսրայել ժամանած խումբը գտնվում է օդանավակայանի արտաքսման բաժնում:
«Սահմանապահներին կասկածելի է թվացել այն, որ անսամբլն Իսրայել էր մեկնել մանկական փառատոնին մասնակցելու համար, սակայն անսամբլի 17 անդամներից միայն 5-ն են եղել երեխա. մնացածի տարիքը եղել է 25-ից բարձր: Հետևապես, նրանց մուտքն Իսրայել արգելվել է», -մեկնաբանել են Վրասատնի ԱԳՆ-ում:
Իսրայելում Վրաստանի հյուպատոսը հանդիպել, զրուցել է անսամբլի ղեկավարի հետ: Հաշվի առնելով այն հանգամանքը, որ խմբում կան երեխաներ, իսրայելական կողմը համաձայնել է թույլ տալ անսամբլի անդամներին հետդարձի տոմս գնել և վերադառնալ հայրենիք:
Նշենք, որ 5 երեխաներից 3-ի և՛ հայրը, և՛ մայրը նրանց հետ ժամանել էին Իսրայել: Միայն 2 երեխաներն էին առանց ծնողների: