ԵԱ. Էլինա Դանիելյանը հետապնդում է առաջատարներին

Թուրքիայում անցկացվող շախմատի կանանց Եվրոպայի անհատական առաջնության 5-րդ տուրում Հայաստանի հավաքականի առաջին համար Էլինա Դանիելյանը սեւերով ոչ ոքի է խաղացել ուկրաինացի Ինա Գապոնենկոյի հետ: Էլինա Դանիելյանն ունի 4 միավոր եւ կեսական միավոր է հետ 2 առաջատարներից:

Հայաստանի մյուս ներկայացուցիչներից Լիլիթ Մկրտչյանը, Աննա Սարգսյանը եւ Սիրանուշ Ղուկասյանը հավաքել են 3-ական միավոր, իսկ Մարիա Գեւորգյանը՝ 2:

Ապրիլի 16-ին անցկացվելիք 6-րդ տուրում Էլինա Դանիելյանը սպիտակ խաղաքարերով կմրցի ուկրաինացի Աննա Ուշենինայի հետ: