Ուղևորը բացել է օդանավի դուռը ու դուրս ցատկել
Ֆինիքս-Սքայ-Հարբոր միջազգային օդանավակայանում American Airlines ավիաընկերության օդանավի ուղևորներից մեկը թռիչքուղու վրա ցատկել է օդանավից այն բանից հետո, երբ այն վայրէջք է կատարել: Այս մասին հայտնում է Fox News-ը:
Միջադեպը տեղի է ունեցել Միննեապոլիս-Ֆինիքս չվերթի օդանավում: Ականատեսները պատմում են, որ 25-ամյա ուղևորը մինչ տարօրինակ ցատկը, իրեն ոչ ադեկվատ է պահել օդանավում՝ ձեռք է տվել մյուս ուղևորների դեմքերը, հայհոյել է, հարվածել է մարդկանց, անհայտ հեղուկ է լցրել վերջիններիս վրա և այլն:
Իսկ երբ օդանավը վայրէջք է կատարել, տարօրինակ ուղևորը բացել է պահեստային դուռը և դուրս ցատկել:
Անկարգապահ տղամարդուն ձերբակալել են: Միջադեպի արդյունքում օդանավի աշխատանքները չեն տուժել: